أنا نفسي
أدخل وأتدحلب
جوه ف سراسيبك
أدخل ذراتك متخفي
وأمسك ليلك
أعرف اسرارك احلامك
ومزايا حبيبك
خالد هيكون
لاء موش معقول
طب مين هيكون
آه دا اكيد مجنون
هأدخل احلامك
من تاني
وهأنشف بيرك
وهأدور على مكان
أعرف به شهيدك
جايز تطلعي من روحي
واحساسي يسيبك
وأبقى اللي ما ماتشي
ومات أحلامه في ايدك
خالد صبح
بحبها غصبن عني
_ متلونه ف شكلي ودمي
_اجراس ادانك يا مسيحي _
جنب الاذان قمنا نصلي _
حنا ومرقص وباسيلي
_وعمك احمد قنديلي _
في كل عيد كحك محبه
_وفي المصايب ايد واحده _
وف فرحي جايلي يغنيلي _
وكنيسه جنب الشيخ سالم
الكل قاعد ومسالم
مسلم مسيحي ومين عالم
لمه محبه بتندهلي
آكل عسل من عم وديع
وعم محفوظ استاذي
وف ارض غيث الحب بديع
مادنه كنيسه النحيادي
البوم وطن بص وشوفلي
خالد صبح
والله منا عارف
هاقولك ايه
واعيدلك ايه
خلص كلام الحب
والقلب لسه ما دق
باين عليه نعسان
نايم قوي وهيمان
ولا باينه ماكان
في القلب اصبح حب
اصحى يا عم الحاج
دنا حبي ليك يتحج
اضحك كمان اضحك
وابكي انا م الحب
أنده لاحلامي
أسالها زارك مين
كل يوم جيايين
في الحلم حق وحب
مادوقت طعم الحب
هأدعي عليك بالحب
وأديك حقن عاشقين
عشان تعيش زيي
زهيمرك م الحب
تنسى كما بأنسى
وحبيب عليك يأسى
وتدوق كمان الغلب
خالد صبح
يا أول الساكنين
في القلب ضي العين
يا منتدى العاشقين
الريح ركعلك حر
الريح مشال شيلي
وأنا اللي شال شيلي
ف رياحي بتشيلي
حملين اسى على مر
من أول المبتدى
قلبي الطويب ندى
زي النسيم والندى
والنازفه دمعه تشر
الدمعه دي دمي
لمي النزيف لمي
حبك ندى سمي
والسم زاد واغتر
