صبح الصباح

خالد صبح
صبح الصباح
والحب صبح صباحه
ولما كان فيه جراح
بأيده عالج جراحه

يا اللي مشيت الطريق
سيب الطريق موصول
وان شفت حب هناك
شرد بعيد على طول
وان شفت ناس رايقه
غني عليهم قول
الحلو قلبي رسم
والرسم ليه منقول
يا اللي ابتديت بالهوى
خلى هواك موصول

لاني احبك

لاني احبك
كثيرا كثيرا
يا فاعل ف
قلبي مفاعل
... كبيره
فعولا سامضي
فعولا وفيره
فعولا فعولا
مفاعل فعيله
برغم التحدي
اللي شفته
في حياتي
هاشيلك ف قلبي
وتبقى الشراره
وتبقى لوردي
سمايا المطيره
فعولا سامضي
فعولا فعيله
مفاعل حياتي
وكيميا وخميله
لاني احبك
كثيرا كثيرا

شروقك في قلبي

بادور عليكي في كل الدروب
تهديني روحي يمكن اعود
اعود ليكي تاني أمير محبوب
هاحطم عشانك كل السدود
سدود الاسيه وموت القلوب
وموت الاماني ف كل الحدود
حدودك ف قلبي نغمها طروب
حدودك معايه حدودها الصعود
صعودي ف سماكي هوايا غروب
شروقك ف قلبي أمل موعود

حبي اصدق

أعمل ايه عشان تصدق
والحب فيه عمره اصدق
معرفش مين قالك عليه
اني روميو وحبي مبدا
انتي ليه موش فاهمه اني
معرفشي اعيش لقلب غيرك
معرفشي اكون لحد غيرك
وانه موش وهم اني احبك
اقتل روحي واكتب بحبك
واني طير هيمان بحبك
واني عاشق زي روميو
وانتي جوليت الاميره
ولا اموت ف العشق زيه
وابقي وحدي ف الجزيرة
وانتي قاعده تقولي انك
موش عاجبني حتى موته
برده مات عشان حبيبته
بسي في الاخر مصيبته
انه مات معرفشي انه
هو الاحساس وضله
بسي ياخساره لانه
معرفشي انه حبي كله

خالد صبح

الاكيد انك احق

الف لن ولن ولن
فيه كره وفيها من
فيها عشق وفيها ظن
فيها قلب حب ان
يكون براءه حب فن
يكون حبيب ويا حبيبه
بسي احساسه طريده
ان ريح في قلبه رعد
وانه موجه في وسط بحر
من الحقيقه والسكات
ايوه حب حب قاتل للحبيب
والحبيب تايه غريب
والغريب دا موش بايده
انه يبقى حب سهل
قلبه اقوى م الرياح
واشد من اي برق
يبقى ليه قلبك يظن
انه ماشي في سكه زق
يفرح بالقلب اللي جاله
مادد المد في طريقه
والمدد من قلب حق
والحقيقه انه صعب
تعرف مين فيهم ارق
صدقيني غصب عني
القى احساسك يشيلني
جوه موجه ف بحر هادي
يبقى احساسك ادق
م الصراع اللي في عينيه
والحنان اللي ف ايديكي
والاكيد انك احق

برد سلام على قلبي

يا قمر فوق في السما
والنجوم حواليه
شايفك نوره وقمره
وقهر وحرق ونار
حراقه بتحرق
شايفك كلمه حب مشاعر
فيها انا شاعر
شايفك دار
ساكناني بتعشق
شايف جدوا بيجري وراكي
عامل فيها واد حبيب
ولا الجنتل مان التاني
عامل فيها امير الشعرا
برده انا شاعر انك نار حراقه
هتحرق اي مشاعر ليكي تقرب
الا مشاعري
برد سلام
فيها كل حياتي
وفيها الجنه وفيها نعيمها
برد سلام
وهاقولك انتي قد الدنيا وقد قدودها
واد الواد اللي اسمه ردودها
هتكتبي حسك
احساسك شعرك
ديه مشاعر
خناقه لغيرها
وغيرها الناس البلده في سيرها
بحبك زهره بريئه
رقيقه حقيقه
بتحلف بيه
لما الدنيا تلطش سيرها

من قلبي المتيم بالهوى

نواه ذرات العشق
بتتفجر اشواق وحنين
تتلاقى ويه نواتي
ونواتي الهربانه
من تفاعل جوايه
مع نواه ذره عشق
تيهانه من ذره
ف قلب روح قلبي

تتفاعل تتفاعل
تحضن قلب
نواه الذره التايهه
م الحته السكناني
نبض وبوح
تعمل تفاعل
واندماج احلام
وينفجر الحلم حقيقه
ويخرج من سراديب الايام
عشان يظهر جوه
معمل حب رباني
يدوب يدوب
وانصهار مع حراره
من قلب المتيم
بالهوى عشق
الذي تحت الحضاره
المرميه من الاف السنين
يتخلق حبي
وليد من بوح الهرم الواقف
شامخ مشموخ
من قبل الذي جنب الحضاره
هزني هزني
ويخرج تفاعل هوى قلب
جديد في الجدول الدوري
لامم كل عناصر
حب وشوق وحنين
معرفشي مداها لفين
لكني حاسس اني
دبت ف هوى الدايبين
حب وهوى

قلبي أمان الحب

قلبي امان
الحب والاحلام
ورمشي سيوف
للقهر والنسيان
وعمري فدا روحي
في كل زمان
وروحي هيه قمر
في السما نعسان
وشمس بتتبدر
للحبيب الحان
وحبيبي فاكر
كل دا اوهام
تنده مشاعري
مشاعري تجريلها
تهمس نسايمي
عطرها يشيلها
تنده لنجمي
يبقى ضيا ليلها
تسكن ف حلمي
القى هوى ويلها
أنده طيوري
تعشق تغنيلها
واقطف ورودي
تفرح لما بتشيلها
وانسج حروفي
بسمه من ميلها
وتميل عليه
وأتشد من حيلها
وأنده كيانها
يبقى وطن لية
وأرسم عيونها
نبع حنيه
وافرش مشاعري
لحبها غيه
تكتب حروفي
برده مفيش غيرها
أجمل حروف العشق
هأعملها اغنيه
لعيونها بسي
تقول هيه
وتحس انه برده
مفيش غيرها
لان القلب ما يساعشي
برده غير هيه

فارس بسيف الحب

فارس بسيف
ع المهر الابيض
جايلك منامك يخطفك
شايل مشاعره جوه منه
سيفه المندي بيعرفك
لَم كل الحب فيه
والمهر اصله بيرتجف
والفارس الذي
هزم جيوش الهوى
برده قاعد يرتجف
لما عرف
انه خلاص
ف الليل مسافر بخطفك
ايه بسي يافارس
وانته الذي اقوى
مشاعر ترهبك
شيد مشاعرك
وابني قلوعك
م الغرام
اللي اتخطف
ارمي سيوف الخوف
لملم سيوف الشوق
سلاحك مشساعرك هينصفك
جايلك يا ست الكل
على نسيم الفل
جاي هاكسر
حصونك قلعتك
انا المتيم بالهوى
وانا اللي حالف اخلصك
هجمت قلوع الشوق
ومعاها قلبي المنهمر
بالبكا خوف اللقاء
جايه هترسم بسمتك
جايه هترسم بسمتك
فاستعدي جايلك في حلمك
اخطفك اخطفك اخطفك

عيون حبيبي

الليل موارب

والحب قارب

والموج حزين

والقمره نايمه

والنجمه هايمه

وأنا تهت فين

في عيون حبيبي

النعسانين

غمض عيونك

أنا قلبي فيهم

وأحلم معايه

بشوق هاديهم

قبطان سفينتي

معرفشي غيرك

سكه وطريق

شرق وغرب

بعد وقرب

وانا اللي تايه

وهو تايه

جوه البحور

العشقانين

أندهلي يا اللي

بحرك َشددني

الموج معافر

وأنا وحدي شيلني

واندهلي برك

م هو تحت امرك

وأنا اللي تايه

مات المراكبي

وحتى هلبي

داب ف العينين

ونفسك تحب

ونفسك تحب
وترسم مشاعر
وقلبك يدب
ونبضك يهب
يصحيك يا شاعر
ونفسك في قمره
وضله وشجره
واتنين ليمون
وميه وبحر
ومنظر جميل
وتسرح مشاعرك
وتتخيل حبيبتك
نجمه في ليل
وتكتب كلامك
وتطلع قصايدك
نسمه وهديل
وتركب حصانك
سايب لجامك
وحبك يسيل
وتنسج اماني
وتطلع اغاني
وحبك يسيل
وتبقى اللي حابب
وتبقى المحب
ويرمج خيالك
ويكبر يشب
وتبقى انته روميو
واميرتك خيال
تقولك بحبك
لكن محال
محال اني اقولك
لانك ضلال
عشان موش بحبك
لانك حقيقي
بحب اللي احبه
حلم وخيال
وترجع مدامعك
وقهرك مرافقك
كسير الجناح
ويبقى اللي فاضل
في قلبك جراح
احسنلك ابعد
وارضى بمصيرك
وبلاش تعيش
في دور المحب

ولسه هتكتب

ولسه هتكتب
وتنسج قصايد
ولسه هتكدب
ف عز الشدايد
ولسه هتمشي
وتحلم ببكره
ولسه هتندم
وتحضن همومك
ولسه هتبكي
تسحسح دموعك
ولسه هتركع
وتدمن خضوعك
ولسه أنهيارك
وموت اختيارك
ولسه كلامك
مزيف حقير
ولسه الشوارع
وموت الضمير
ولسه الرشاوي
ولسه الوسايط
ولسه الضياع
وكلمه وداع
ولسه رغيفنا
اكله مرير
ولسه اللي قاعده
والدنيا شاهده
ولسه اللي قاعد
من غير مصير
ولسه القهاوي
مليانه خير
ولسه الشباب
في مركب يموت
ولسه الشهاده
فواعلي شايلها
ولسه الكفيل
ولسه الكرامه
من غير كرانه
مهندس شوفيير
ولسه احنا تالت
وهما اللي أول
ولسه التقدم
ف ايد المكير
ولسه احتلالنا
اقتصادنا الأسير
ولسه احنا برده
كلامنا حرير
ولسه هنسكت
خليعي الضمير
ولسه العروبه
فركش وطير
ولسه برده
في حلمك أمير
فكر كويس
وأهرب وطير
وأحجز مكانك
ف ترب الغفير
أصلك قراضه
في توب الأمير
منتش أمير

اجعلني بسمه

جعلني بسمه شفايف
او نسمه حلوه معطره
او شمس دافيه
في ليله شتا بردان
اجعلني قمره في ليل نعسان
واجعلني احلى كلام
يقوله لسان
واجعلني ورده في قميصك
واجعلني كحكه في عيدك
واجعلني عيديه نهار
وصبحيه امل
اجعلني الدوا
واجعلني شربه روى
واجعلني كلام العشق
في الاساطير
واجعلني امير
في قلبك اسير
واجعلني آهاتات لو قلتها
واجعلني سعاده
وسكر زياده
تحلي المحبه
وتحي الغرام
اميرك اسيرك
تايه في ليلك
ماليش في الدنيا غيرك

سيبيني ورجعي نفسي

ماليش فيكي غير نفسي
وحبه قهر من يأسي
ماليش فيكي غير قلبي
ودمعه باقيه من حسي
ماليش فيكي
غير نظره الم في الشوف
وكلمه عشق زارعه الخوف
وومضه نور في اخر ضي
وحلم حزين في بكره الجى
وضلمه بتسلبك شمسي
ماليش فيكي
امل ورجاء
وهمس بيقتله الاصغاء
ولون زهره قتلها الريح
براءة طفل لسه صريح
بلون العشق متلون
بقايا من بقيت روحي
غرامك يقتله بوحي
ورعشه قلب يندهله
وقلبك برده يشتاقلوا
يعافر همسه مشتاقه
وزيف موشوم على خده
يموت من مره يسمعلوا
أخوف من حبي موش عارف
أخوف من قلبي موش عارف
تخوني قلبك الحابب
وتمشي في قهرك الغارب
وترمي ياسي في بحورك
المك تتبعطري فيه
قوارب عشق تيهانه
ورميانا في غضب موجوع
أنا المسموع انا المسموع
انا في قلبك
صدى اصوات بيشرق بك
وشمس حزينه نعسانه
تدوق الحب من شهدك
ومر اليأس من قلبك
سيبيني ورجعي نفسي
سيبيني ورجعي قلبي
وان شفتي بقيه من روحي
سيبيها في روحك الهايمه
عشان تفتكري يوم انك
قتلتي حب كان لسه
بيييحبي نفسه يوصلك
قتيل العشق مقسومله
يبات دمعه على خدك
يدوب الخد من دمعك
وقلبي من الدموع محروق
وانا دمعك انا دمعك

هاعملك قلبي التوب

هأرسم قمره
وبحر ورمله
وشمس غروب
وأرسملك نجمه
وبستان وورود
وأعملك قلب
يكون بيحب
على قدك بس
يا دوب بيدوب
وأعملك قلبي
عصير بيرطب
فيكي الحر
وأعملك ف عينييه البحر
تغسلي همك فيه
وأعملك رمشي
سيوف للبعد
تقتل بعدك
ان ماتت ف البعد قلوب
وأعملك ايدي امان
وازرعلك فيها كمان
انسان يعطيكي حنان
لو بسمه ف عيني اهديها
لو فيها احزان اخفيها
وأهديكي كل مشاعري
وكل كلامي وشعري
واهديكي نفسي وروحي
لو فيها جروحي بلاش
وهاخبي كل جروحي
علشان ما تجربيهاش
واهديكي كل ما فيه
والعمر الباقي شويه
هاهديكي قلب بريئ
وندايا ف الابريق
تشربي ما تبليش ريق
تشربي ترجعي جوايه
تحلمي تلاقيني في حلمك
عطشانه اللقا مرسايه
لو بانت شمسي انا ضلك
جنتي وفيها هوايه
وهاعملك قلبي مشاع
ترمح خيلك جواه
وان تاه جواه او ضاع
هيلاقي المرسى هواه
وألضملك روحي في روحك
وأغزلك منهم توب
وان بردت روحي في روحك
هيدفي هوانا التوب
ويدوب اشولق ويدوب

وطن قلبي

وطني الذي من مبدأه كوني
غريب الضي متسرسب في تكويني
حروف العشق تتتلملم وتهديني
تشيل مني حتت سوده
تجيب النور يهادي قلبي يحييني
...انا قلبي وليد العشق والغربه
انا قلبي ماشي على مهله
وموش مستنظر قلب يندهله
انا قلبي وليد صدفه
وليد بوحه او همسه
وليد ضي او نسمه
وليد العشق للمهاويس
انا قلبي وموش قلبي
جناح طيار بيهربي
وروح هفهافه تلعبي
انا قلبي وطني الذي
من مبدأه كوني

بحبك ومهما تقولي عن حبي

بحبك ومهما تقولي عن حبي
بحبك ومهما تعندي وتخبي
بحبك ومهما جرحتي واسيتي
بحبك مهما عملتي ونسيتي
بحبك مهما تطعني فيه
...وهاكتب حبي اغنيه
ومهما تقولي موش قايل
غير بحبك بحبك
حتى لوسيبتي
حتى لو سيبتي
منيش كداب ولا هلاب
ولا عايش قصص غيرك
ولا حابب قلوب غيرك
ولا اعرف بنات غيرك
بحبك يا اغلى امنيه
بحبك يا كل مالية
بحبك عشان عاشقك
ومهما تغيبي في مشارقك
بحبك برده مهما يكون
وحتى لو قتلتيني
هاموت شهيد على رمشك

يوم عيد ميلادي

تلاتين سنه على كام سنه
شكلوا شكل الحياه
سنين وعدت مؤلمه
وحبه برده مفرحه
وسنين بتيجي مجحفه
وساعات الم وكتير ندم
وساعات كتير مستسلمه
اما انا تشكيله صعبه في الحياه
حبه هوى من غير هوا
حبه انام ع المصطبه
حبه اكون صاحب صدا
وساعات اكون من غير ما اكون
وساعات بتقتلني الظنون
وحاجات بتتشكل حاجات
كلام ساعات وكتير سكات
اما اللي فاكره
في كل دا
اني خلاص تميت سنه
وشجره حياتي نقصت سنه
يعني النهارده عيد ميلادي

أكمل محبيني

تراتيل غناكي ندى
مطر على جبيني
طرح هواكي صدى
نغم بيشجيني
والوصل اصله الرضا
رضاكي يحيني
أكون بنور الهدى
وهداكي نور عيني
بقلب كان وابتدى
لما لمستيني
عصفور في قلبي شدى
زقزق يناديني
بهمس يملا الفضا
نبعك بيرويني
يا اول المبتدى
يا أكمل محبيني

رباعيات

يا قمر فوق في السما
اهديني نبضه في قلبي
يا ام العيون الملهمه
ما بقيتشي قادر اخبي

******************
يا قمر لولي ولوالي
يا قمر نور المحبه
با افرح لو مره جالي
وقالي دوق المحبه
**************
يا نسمه هواها جنه
يا بسمه من قلب صافي
العشق مهما قتلنا
بلسم الحب شافي

مصحصحاتي تالت يوم

مصحصحاتي منوراتي في طريق النور
بالقلب الاخضر وبضمير منصور
بضمير امير ابيض وبضمير مكسور
ضمير يحاسب وضمير يماين ع القواله الزور
وضمير يسيب صاحبه
وضمير يحوش صاحبه
وضمير يعيب صاحبه
وضمير يزيد صاحبه
وضمير يكون صاحبه
وقت الظلام النور

يارب خالق فينا الضمير زيده
بالايمان والخير
واوهب ضمايرنا حب الايمان والخير
هو الميزان لينا
عدل الميزان بيصير

وارحمنا يا رحمن
واعطينا يا منان
واوهب عقولنا ميزان
واوهب قلوبنا حنان
واعدلنا الميزان
اعدلنا الميزان

مصحصحاتي تاني يوم رمضان

مصحصحاتي تاني يوم رمضان
القلب هادي والقلوب الوان
فيه قلب اسود ربنا يهديه
وقلب ابيض ملان ايمان وامان
وقلب فيه الخير وقلب زي الطير
وقلب فيه قران
وقلب هادي الهدى
وقلب ملان بالرضى
وقلب فيه احسان
وقلب يبكي ف خشوع
من ايه يظهر دموع
وقلب طيبه وحنان

يا خالق قلوب العبيد
اوهبنا قلب جديد
فيه الايمان والخوف
وفيه الطريق مكشوف
اوهبنا النظر والشوف
واوهبنا الايمان والحق
واجعل خطانا سعيد
واجعل عملنا مجاب
نفرح لقى الاحباب
الجنه غايه المصاب
اجعل قلوبنا حجاب
واوهبنا لقى المصطفي
اللي علينا اصطفي
حبيبك الهادي
محمد حبيب الله
امين يا رب امين


امين يا رب امين

مصحصحاتي رمضان

مصحصحاتي كل يوم وباقول
رمضان بدا وكل يوم ها نقول
اول كلامنا كلام فيه الايمان موصول
أبدا بصورة الفاتحه وبعدها البقرة
وكل يوم خليها عاده كل يوم تقرا
جزء واحد تختمه بكره
واقرا بسي ربع ساعه الورد
واكم حديث للرسول
تبقى الايمان ويزيد الايمان ويقول
اول طريقي ابتدى للجنه ونعيمها
اول طريق النور والضلمه هنسيبها
اهدينا يا ربنا وحط في قلوبنا النور
وارسم خطانا برحمتك نبقى بشر من نور
احنا عبيدك يارب ملناش امل غيرك
احنا عبيدك يا رب ملناش سند غيرك
احنا عبيدك يا رب ملناش مصير غيرك
اهدينا يا رب اهدينا يا رب

خايفه مني ليه موش عارف

هأكتبلها ايه
موش عارف
كل كلام الحب
نسيته قدام منها
هارسملها قلب
وقلب وقلب
هاوصفلها قلب
وروح وشفايف
موش عارف
نفسي اجيبلها معنى
لسه ما حدش قاله
حاسس رعشه قلبي
انا خايف خايف
اصلها قالت
لأ ما قالتشي
قالت اني بخاف
من حبك
يعني الرعشه
اللي في احساسها
سكنت بيتها
وبانت فيه
عايز اقولك
انك لية
كل ما فية
كل حياتي
فرحي آهاتي
مسكن روحي
حتى جروحي
حتى عذابي
لما تقولي انك موش لية
عايز اقولك
اه موش عارف
كل ماجمع
عمري في ايدي اقدمهولك
كل مأجمع
حبي في ايدي اجمعهولك
بلقى مشاعري
بتغير مني
ليه موش عارف
دا انتي مشاعري
وهيه حياتي
يبقى ازاي هتغيري
من روحك ليه يا حياتي
ليه موش عارف
كل كلام الحب باجمعهولك
من ايام الزمن
العاشق للحضن الدافي
من ايام القمرة
فوق الشجرة
وشرفة وفيها الحسن بتاعك
طالل منه
وانا روميو واقف تحتيها
وانا عنتر راكب ع الفرسه
وانا قيس المجنون بهواكي
اه يا ملاكي
موش قادر أجمع
موش عارف
لكن خايف
رعشه خوفي
تظهر فيه
جوة في عينك
توصل ليكي
رعشه لقلبك
تهمس قلبي
تخرج منا
غصبن عنا
تظهر لينا
شوقنا الجارف
تخرج منا
بسمع مرسومه
على شفايف
بسي انا شايف
انك ليه
مع انك خايفه
وبردة انا خايف

ليه موش عارف

من شاعر التهميش

من شاعر الحرافيش
خدها مني افيش
الدنيا للتهبيش
والحق اصبح مفيش
والظلم بس ييعيش
والعقل للترويش
ما عادشي ليه لازمه
والازمه بالجزمه
واللمه موش حِزمه
والفرقه ليه حازمه
والحِزمه يعني الرقص
والرقص سيما وخيال
يعني الفلوس والمال
ومال يعني الجمال
وجمال يعني غرام
وغرام يعني مفيش
والحب اصبح مفيش
من شاعر التهييش
لقلب فاضي وملان
السرقه وضع وكيان
تهييشنا اصبح كيان
ومشاعراٌ مهضومه
الفار بقى بزلومه
بيرقرقض الحرافيش
مكتوب علينا نعيش
ع الرف في التهميش
من غير امل ولا حق
مكتوب علينا نعيش
نسف رمل مفيش
نكتب اغاني عظيمه
عن ملحمه انسان
دا كان صحيح فنان
بسي مات ومفيش
يا مشاعر التهبيش
يا قارعه من غير ريش
وريشنا اصبح مفيش
منتوف ومتظبط
ولا حاله بتابط
ملعون ومتمرط
وشهاده بتعيط
وواسطه بتزيط
وشاب بقى هراميش
من كترة التهييش
ع الرف ليه مركون
مركون صبح معفون
للظلم طعم ولون
واللون اسود غميق
والسم في الابريق
أشرب يا متسلطن
بكرة الوطن يركن
كل الشباب هراميش
يعني هرم ومفيش
زغروطه للتهييش
والعشق للمراوويش
من شاعر الحرافيش
اصله نام وما دريش
تحوله لهراميش
وانضم لتتهميش

يا دنيا واخدانا مقاوله

يا دنيا واخدانا مقاوله
في الكرب والحزن علاوله
لمي الهموم اللي في صدري
قلبي المعافر وياكي
مستني منك يوم نصرة
الفرحه ليه خايفه تقرب
وجيوش جيوشك ليه طالعه
والدود بينخر في عظامك
عمال بياكل ليه لحمك
ولحمك المحروق مني
وقهرك المشقوق عني
عمال بيرسم في ملامحي
مستني منك يومك مرة
تسعديني ولو مرة

انا مغرم

انا قلبي مرة سلمته
عاش الحب وطار على فوق
سلم احلامه لملهمته
انا مغرم وفي غايه الشوق

باكتبلك اشواقي وحبي
وارسملك ع الشجرة قلبي
قلبي السهم دا داخل فيه
متعذب وفي غايه الشوق

احاسيسي احساسها رهيف
وفي الاحلام بتصيف
ودا صعب الاحاسيس تتزيف
ودا صعب اداري وليد مخلوق

ودا صعب عليه اداري عليكي
انك مملكتي وملكوتي
وانا تهت معاكي تجيبني عينينيكي
ببسمه ونسمه افوق من موتي
ما انتي حياتي يا احلى شروق

يا منابع فيها القهر

اتفووة اتفووة

يا بلدنا ياخلق يا هو

يا مراكب من غير بحر


يا منابع فيها القهر

يا كلام الشر الصبر

والعايش فينا غريب

وغريب العالم ديب

والديب ماشي ومتجكم

والحكم في ايد الكابتن

والكابتن اصله يهودي

ويهود العالم كفرة.

والناس التانيه في حفرة

والحفرة يعيني غويطه

ومفيش ميه ولا زاد

والزاد في ايدين الديب

والديب لابد في الحفرة

موش راضي يجيب الزاد

موش راضي يجيب غيرلقمه

واللقمه كمان مسمومه

والسم بيهري في بدني

وانا بدني مهوش مستحمل

بسي اعمل ايه منكاد

والديب عمال يقتلني

ولاوا حد راضي يقرب

ولا واحد عامل شايف

الكل مطنش موتي

وبيكتم بسي ف صوتي

دنا اصلي بتاع حضارات

وهو مالوش امارات

اماراته النهب وبس

اماراته القتل وبس

وانا اصلي من غير مال

منهوب وكمان مقتول

وفلوسي كمان موش ليه

وفلوسي ايد حراميه

وانا موش لاقي اللقمه

واللقمه في ايد الديب

من بسي هيوقف موتي

من موتي بخاف على موتي

منا اصلا بردك ميت

وكمان الديب بياكلني

بالسم باكلها يوماتي

والسم في ايد الديب

واتفووة اتفووة اتفووة

ع القهر وع اللي جابوة

حبيبتي كل الكلام

حبيبتي نور على نار

على حلم كله مرار

حبيبتي جنه ونسيم

حدوته كل السنين

حبيبتي هيه انا

لحظه ما احس الفنا

قلبي معاها يدوب

وعمرها ما تدوب

حبيبتي كل الكلام

الحب والحرمان

والعشق والمكتوب

عمري معاها يا دوب

بادئه مشاعرة الغنا

يا جنتي الخضرا

يا روحي يا عيوني
يا جنتي الخضرا
دا عيونك ندهوني
في بحورهم اتوضى
قربك بيجنني
لما لما اشوفك
وان طال بعدك عني
اتمنى بس اشوفك
والمح طيفك
وانده قلبك
يهمس قلبي
ينده ليه
هو غرامه وكل ما ليه
بابعتلك اشواقي
في عيوني تقراها
اقراها هتلاقي
احلامي وياها
بتنده بسي عليه
مهموم انا بعشقك
بحرك مفرقني
عصفور انا في عشك
والشوق مطيرني
لميني لميني
قلبك طوى جناحي
وان تهت ناديلي
تتوهي في افراحي
قلبي جناين فل
والفل دا قلبك
وعينيكي لما تطل
الكون على قدك
يتغنى بغناكي
ويتوه في احلامك
يتمني يلقاكي
سعيده ايامك
والعشق كاسي الكل
والفرح نور الفجر
والنور دا من خدك

يا روح روحي

يا روح روحي
يا واخده قلبي
من روحي
يا لمه بقيتي
من نفسي
وحبه غنايه
من همسي
انا العشق اللي
داب فيكي
وانا النور اللي
شاف بيكي
وأنا البحر اللي
في عينيكي
وأنا الجنه اللي
في ايدكي
انا حسك
وانا همسك
وانا صوتك
وانا عشقك
وانا نبض الدم
في عروقك
وانا عشك
وانا دارك
وأنا البسمه
اللي من وشك
أنا كلك وانا حلمك
وانا صبحك وانا ضيك
انا فيكي
بحور الحب والمرسى
وانا فيكي
مشاعر قلب ما تأسى
بحبك حب ما جاش لسه
بحبك شمسه من شمسه
ياروح فارده جناحينها
وواخده روحي رياحينها
بحبك نبضه جوايه
بحبك آيه من آيه
يا ورده وقلبي بساتينها
يا صوت عصفورة بتهدهد
يا حلم بعيد منيش قادر
اعيش في النبض شريانها
يا روح روحي
يا واخده قلبي
من روحي
سماح بسي
عشان مفيش
غير قلبي
وغير روحي
اقدمهولك
وغير حبي

الزهور بتحب

الزهور بتحب ريحه
عطرها من حقها
والقلوب تعشق
نسايم حبها من حقها
واهل الهوى
حبو الهوى
وبقى دستور
حياتها وعشقها
وانته يا قلبي تملي رافض
تملي خافض
راسك بتطلب ودها
دا لكل طريق نهايه
بسي اعرف انته البدايه
لازم لو عرفت
هتملك قلبها
وساعتها دوب قلبها
ارمي هواها في وشها
وأزرع في قلبك
حب تاني
حب صادق موش اناني
وأطوي صروحها وهدها

قلب الخطر

مشاعرك مشاعري

قليله المشاعر

وقلبي اللي شاعر

بحبك عبيط

كلامك كلامي

يا بلسم غرامي

رماني هواكي

في بيرك غويط

وقلبك يخونه

ويشعل جنونه

مصمم يحبك

وقلبك حويط

يدور يدور

برمشه البرئي

فين الحقيقه

وفين الطريق

مين اللي قاتل

ومين القتيل

مين اللي عاشق

بحبه الجميل

وفين تابوتي فين

وفين الضريح

وفين قلبك انتي

بعتيه لمين

نسيتي وسكتي

وبعتي وخنتي

قلبي الحزين

قلبي اللي حبك

متهوم بقتلك

وهو القتيل

شفتك بريئه

بزيف الخداع

عيونك بريئه

ف قلبك خداع

وقلبي ما بينهم

تايه ياليل

ياليله حزينه

بزيف المطر

قلبي دا ىحبك

ما خدشي الحذر

بزيف البرائه

ماخدشي الحذر

وصدق عيونك

كلامك وعودك

مخدشي الحذر

أسف لحبي

وأسف كمان

لقلبي اللي حبك

بعنف وجنان

يا حبي المزيف

يا قلب الخطر

لما بحبك

لما بحبك
واسمع صوتك
عيني في عينك
بأشرب منهم
شهد الكلمه
واما بأشوفك
بتبادليني نفس
مشاعري
بحس بنفسي
زي الطير العاشق
في الاساطير
وبملا كفوفي
ندى ايامي
تشربي منهم
زي العاشق قلب الجنه
وحضن الخير
انتي المنة اللي اتمنيتها
وانتي الجنه
اللي بعيش منها
وأنتي في عمري
عمري الباقي
وأنتي في قلبي
ملاك بيطير

بأفتخر اني ابقى مصري

مصر يا أمه
يا أم ابويه
وأم جدي
وجد جدي
مصر يا أمه يا حضاره
مصر يا أمه يا أماره
يا اللي فيكي النيل بيجري
دا أنتي فيكي الخير بحاله
يا اللي فيكي الحب شاله
أنتي شالنا لما نبرد
وأنتي حيلنا لما نتعب
وأنتي بس ابيعله عمري
من ترابك خدت خيرك
وبعيونك مشفت غيرك
اصلي انا ف سماكي طيرك
مهما مت ما عرفت غيرك
مهما قتلوني ورموني
عمري لحظه ما انهزم فيه اسمك
أنتي اغلى شيئ ف قلبي
بكره م الاحزان تمري
بكره جايلك شمسه تانيه
تمحي قهرك دا ف ثانيه
والجبين ان طاطا ثانيه
عمره ما يطاطي لغيرك
يا اللي عشنا كتير ف خيرك
لسه مستنظر مصيرك
لسه برده اسمي مصري
وأفتخر ان اسمي مصري
وأفتخر ان ابقى مصري
انتي اصلي واصل اصلي
وانتي شعاع النور بيسري
أعذريني وصدقيني
عمري ما انحنيت لغيرك
آآآآآآآآآآآآآ ه يا مصري

حب مشروع

دعيني ارى تلك العيون
دعيني أبحر دون رجوع
فقلبي العاشق ارغمني
ان ارحل فيها دون رجوع
ملهمتي ان جئتك يوما
أحمل قلبي بين يدي
فخذيه برفق وخشوع
ان جئتك مهزوما مقهوراٌ
اياكي من الكبر المصنوع
فقلبي مليكي ومملكتي
أياكي العبث بمملكتي
أياكي العبث بملك مخلوع
احلامي ذابت في صمت الحب
ورأيت ربيعك ينبوع
ورأيت نسيما يغمرني يحملني
يبعدني عن كل جموع
ورأيت الدنيا غير الدنيا
ورأيتك جنات في كل ربوع
ورأيتك زهراٌ يتفتح
يملأني حبا وخشوع
فهجرت بساتيني الثكلى
وظننتك أحلاماٌ ودموع
فوجدتك نوراٌ يرسلني يداعبني
يجعلني احلاما تتحقق في غير ذيوع
ألقي قلبي العاشق في قلبك
ينبت اشجاراٌ وفروع
ينبت ثمرات ورديه
تملأكل الدنيا حب مشروع

لم الفرحه

توت توت
توت توت
عدي وفوت
توت توت
توت توت
ادي لحزنك بقى شلوت
لم الفرحه
في زفه وطرحه
تبقى عريسها وهيه عروستك
لم سكوتك
وارفع صوتك
واوعى تخاف
ليكون فيه موتك
وأمشي بقلبك لملم
قطرات الحب المتبعطر
جمعها تلاقي حبيبتك
خدها في حضنك
يطرح ابنك
يطلع ابنك حب قديم
اصرخ لمه
شيله وضمه
يخرج همه
تصبح تلقى الفرحه صديقتك
انا وياك وانته معايه
نحزن نلقى الدنيا رحايه
نبكي نلقى عيونا سفينه
غرقانه ف بحور مآسينا
والاحلام في قلوبنا مدينه
بشرها من طينه حزينه
بتقولك هزمت مملكتك
آه لو تعرف معنى
الفرحه في عز آلامنا
آه لو تعرف معنى الضحكه
في عز آلامنا
علشان تعرف
خلي الفرحه تبقى عشانا

أبدريني جوه قلبك

أبدريني جوه قلبك
وأزرعيني
بعطريني وما بين كفيكي
لميني
ولما حبي يكبر ف قلبك
اوعاكي تقلعيني
من جدوري تقلعيني
وأن تهت فيكي .......................أندهيني
ابدريني أطرح في قلبك
جناين حب وموده
ويتوه ف عمري عمرك
والاقي الفرح اللي عدى
وترجع البسمه لسنيني
دنا قلبي وليد حبك
بيندهلك ومشتاقلك
وبيقولك تعالي ضميني
أنا قلبي لساه جنينك
لساه وليدك
لساه حبيبك
نفسي قلبك يكون جنيني
ابدريني جوه قلبك وأزرعيني
أطرح فرح وأمان
وحاجات بتخاف عليه
من تغريبة الزمان
والجاي يحلي ليه
واحس فيه الحنان
طول عمري ف غربه وحدي
وأنا بين اهلي وخلي
مفيش حبيب يواسي
ولافيش طبيب يداوي
وجروحي هيه هيه
فارضه الاحزان عليه
نفسي احس بيكي
وتحسي انتي بيه
جايز يبقالي بيكي
في الحب فيه مكان

بحبك يا حبيبتي

بحبك يا حبيبتي
قربتي او بعدتي
هجرتي او سكنتي
برده بحبك انتي
وحتى لو عيونك
في يوم باعت عيوني
احساس قلبي يصونك
لانك فيه مكنوني
وفي احلامي عشتي
وبحبك يا حبيتي
والحب موش يعني كلمه
ولا حتى يا روحي نظره
دا الحب حاجه تانيه
تصيب قلوب ما تدرى
ليه م الكلمه خفتي
وبحبك يا حبيبتي
ليه من قلبي تخافي
وانا قلبي حضنه دافي
خليني أعيش معاكي
ف عش حب صافي
تكوني فيه اميرتي
وبحبك يا حبيبتي

نور القمر

نور القمر نازل
ع الجبهه دي مرمر
وعيون بتتغازل
في قلبها الاخضر
نور القمر طالع
في القلب نا والع
عاشق ومين شايف
غيره امل راجع
قلبي الحزين مكسوف
متداري ورا خوفه
نفسه حبيبه يشوف
حبه وهوى طيفه
سهران بيستنى
وفي قلبه ميت انه
ف الصمت وسكوته
بيلم فتافيته
فتفوته فتفوته
متحشرجه ف صوته
نور القمر مخنوق
والحب فيه مشنوق
أوعاك يا حلو تدوق
وتعيش اسير صوته

بعدي عنك استحاله

يا اللي خدت النور تعالى
رجع النور جوه قلبي
بعدي عنك استحاله
ما انته عالم باللي صار بي
ما انته عارف ايه جارالي
بعد ماشفتك بعيني
شفت نور الحب جالي
ابتسملي وصحى ليلي
والنسايم هاله هاله
فرحانه بتبارك لقلبي
قالوا همس الحب على
وانطوت ريح التخلي
وف شفايف بسمه طاله
وف عيونها الشوق تملي
يتبدر يطرح موده
يغني للعشاق يقولي
انته فارس قلبي وحدك
انته ف الشريان يا دمي
يا نعيم الحب كله
انته اجمل شيئ حصلي

ملعونه مطالبي

آه يا حلمي يا شايل فوق طاقته
مجنون متسجل ف بطاقته
اسم المجنون سفاح
القتل مباح والهدم مباح
والريح العاتي المتهور
ف القلب المدعوك بسواد
او حجرة وحمره
وطاحونه ودايره
ع العالم ثايره
موش عارف ليه
تقدر تسألي !!!
ايه خلى الصمت سلاح
والقتل مباح
ف ايدين سفاح
أطفال تتشرد تتيتم
وبيوت تتهدم
صواريخ مضروبه
بتقابل طوبه
والطوبه يا عيني
مغصوبه
مغصوبه تتطاطي
للريح العاتي
والزمن الآتي
موش زمن الفرقه
لأ زمن الحرقه
والحرقه ف قلبي
ملعونه مطالبي
ومطالبي بسيطه
شجره وضليله
وزتونه وشجره

يا وطن مكسوف أقولك

يا وطن مكسوف أقولك
لسه بدري علينا خالص
لما شمسي تبات ف ضلك
تلقى موجه برد قارص
وف ضلوعنا نار بتكوي
وفي عقولنا ظلامنا دامس
يا وطن جرب خضوعنا
وأنكسارنا وأندهاسنا
وأوعى تسأل فين ضميرنا
مستخبي ف طين مداسنا
يا وطن مالك ومالنا
ماعدشي فينا اللي يقاوم
سيبنا أشلائنا وحالنا
أرهابي اصله اللي يقاوم
يا وطن أرمي طوبتنا
ما عدشي فينا فايده خالص
الهتاف والخزي عارنا
والمخيم هو دارنا
دارنا راحت للي غارنا
وأحنا غورنا
يا وطن خليك فاهمنا
ايه في ايدنا
راح يكون
ياوطن مكسوف أقولك
ما عادشي فيه شجرة زيتون

الشك يحي الغرام

الشك يحي الغرام
ويزود النار ولعه
والحب يحيه كلام
يفوت ف الصخر لو ولعه
وثورة الشك شكها مني
عشان شكوكك غيره وملاوعه
انا اصلي شكيت في نفسي
عشان قالتلي دي ملاوعه
وسيبت روحي حزينه
ماسكه في قلبي ومطاوعه
بتشك ليه فيها ومخبي
وتسيب حياتي والنيران والعه
حياتك دي ملكك
اما العشق دا ملكي
وكل واحد في ملكه
يدخل بقى ويرعى
ومسيره يوم يجي
ويقولي اصل الحكايه
هل باعني ولا رماني بكفايه
هل عشقي لسه في قلبه
ولا رماني والنيران والعه

هأكون كياني

أنا اللي شارب ميتي غنوه
وأنا اللي عاجن كلمتي حنه
وأنا اللي قلبي عمال بيتمنى
ببكره يعرف قيمتنا ويصونه
وأنا قلبي فني
وأنا المغني
من صغر سني
بأحلم بفني يكونلي جنه
وأنا اللي شاعر
بدون مشاعر
وف قلبي شاعر بالشنه والرنه
وأنا اللي داير
بالكلمة داير
ف سطر حاير ف سطور حياتنه
هأكون كياني
وأخد مكاني
مهما زماني اسى وعاندنه
يا فرحه دوبي
ف قلبي دوبي
لسه يا دوبي باديئ زمانه
وأن كنت خايفه
من كلمة هايفه
قلوبنا شايفه ميلاد كيانه
وأرسم يا بكره
جنه خضره
تبقالنا خضره تخضر قلوبنا

الكلمة

الحرف جوه الكلمة له معنى
والكلمة ساعة الحق تجمعنا
والكلمة في وسط الظلم توجعنا
والكلمة الحلوة تبقى لو حتى مين باعنا
والكلمة تريح في عز اوجاعنا
والكلمة هي صدى بيعيش ف اسماعنا
والكلمة هي انا شاعر كلام معنى

كوني

كوني يا حبيبتي مكنوني
كوني عمري ايامي وشجوني
كوني غرامي قلبي وظنوني
كوني نسيم وصوت دافي رخيم كوني
:::::::::::::::::::::::::::::
كوني لحظه سفر
ارتاح في ترحالها
كوني غنوه سهر
ترسملي موالها
كوني ضحكه قدر
شفايفي تحلالها
كوني الصدق ف سكوني
كوني يا حبيبتي مكنوني
:::::::::::::::::::::::
كوني براحي وحدودي
كوني بحوري وسدودي
كوني الحب ف وجودي
كوني نغم كوني
كوني ألحاني وفنوني
كوني يا حبيبتي مكنوني
::::::::::::::::::::::::::::::
حبي قلبي الطفل موش بيخون
يا قلب الحب قلب حنون
لايهجر قلبي مهما يكون
يا ساكنه في قلبي وعيوني

علموني أحب

علموني احب
ولما قلبي حب
ضاع الهوى
كنت بسي ليه
بقرب منه ليه
نابني بس ايه
غير جرح الهوى
خلي بالك يا قلبي
وابعد عنهم
احسن ينوبك
اللي نابني في قربهم
دا مفيش طالب غرام
في يوم عاشه وحسه
وان قدم قلبه هان
وحبايبه عليه بيأسو
خليك معايه هنا
أنا وأنته وجرحنا
وأن قرب منا قلب
يدوق من جرحنا
ونعيش مع بعض هدنه
ف الحب ما تنتهيش
جايز يبقالنا قسمه
ف قلب ما يرمنيش
ويطيب جرحنا

العيون الملهمه

من زقزقات عصافير
متعلقه فوق في السما
قلبك دا حلمي
وأنتي العيون الملهمه
أنتي الشراع
ما أقدرشي أعوم
أنتي السحاب
وأنتي الغيوم
يا شمس قلبي المحرقه
يا كل كلمه حب سكناني
يا طاقه نور وحلم ونار
أنا حلمك في كل مدار
وأنا المستني دق الزار
يهز في جسمي يرجفني
يشد المد يحدفني
يهدي الجزر يقلعني
أنا جزرك وأنا مدك
قوليلي في حبي مين قدك
يعافر قلبي ويشدك
لا قوة ريح بتقلعني
في وسط الموج أنا صامد
بجدف بيكي يا شراعي
ومدام أيدكي بتطبطب
على كتفي وعلى دراعي
هألم في ايدي أوجاعي
وأطبق كفي على كفك
وأخرج م الوجع فرحك
ولملم حبك المخزون
وأجدف بيكي يا شراعي
يا كلمه حب ملياني
يا عيون حبيبتي الملهمه
::::::::::::::::::::::::::::::::: خالد صبح

درويشه غجر

يا مهره شارده في الطريق
مدي ايدينك للغريق
مدي ايدينك طبطبي
وأوعي بمشاعري تلعبي
واوعاكي تاني تهربي
وتغربي قلبي البريئ
..............
وأنتي في الحضره زحام
أوعي تخافي م الالام
وأرمي عيونك للأمام
تصبح وطن قلبي المكان
يا عيون حزينه في ابتسام
عايزك ف قلبي تفقري
يا بنت يا أم عيون زحام
شايلك في قلبي من زمان
قبلن ما أكون
بعشق حالاتك في الجنون
وأشوف في قلبك ميت سكون
درويش في عشقك للجنون
درويش في حبك وبجنون
درويش بأفقر
والحضره هايجه م الجنون
حبك جذبني في بحر غارق ف العيون
يابنت ياللي ظهرتي فجأه من اكون !!!!!!!!!!!!!!
......................
يابنت يا أم عيون جناح
بيطير ويهرب للبعيد
ويطير في قلبي ميت براح
وتسيبي قلبي معاه وحيد
وتسيبي قلبي
في حب نابت ف الخلا
يا اللي ابتديتي وقلبي بيكي أبتدى
ارميني جوه بحور عينيكي المنتهى
يا عيون بتحكي سر اسرار الهوى
حبك جذبني غصب عني
لقيتني طاير ف الفضا

من الالف الى الياء فلسطيني

نفسي يا حرف الاف ألف بيك الكون سنين
وأرفع رايات الحق مرفوعه فوق ع الجبين
وتكون بدايه بدايه للظلم اللي عم سنين
الباء: بدايتي ونهايتي في كل حرف سجين
والثاء: تجيكم محمله محمله نقطتين
: سنيورة متدلعه موصوله م اليمتين
والثاء: نقطها ثلاثه وهي غير السين
والجيم: جيه تجري متعطشه لنهرين
والحاء:حاجي بدري بسي انتو قاعدين فين
والخاء: خدني قلبي للبنت أم العيون حلوين
والدال: دلوني على بحركم وعيوني عطشانين
والذال:ذلي وذنبي أني انا حر وأمين
والراء:رموني بسهمهم رموش حبيبي الزين
والزاي:زمن زماني انشكح لما كنت حزين
ةالسين: سالت دموعي ع البنت اللي اسمها فلسطين
والشين:شايل همومك شيل وقلبي باكي بأنين
والصاد :صياد وصاد القدس وأنتو مطنشين
والضاد:ضلمتك يا ظلم بكرة يطلعلها الحق السجين
والطاء:طأ قلبي طأ عقلي لما طلبتي العون م المسلمين
والظاء:ظلموكي وسابوكي لليهود الملعونين
والعين:عيني عليكي يموت شهيدك ومين يبكيله مين
والغين:فينك يا غاندي محتاج لغاندي م المسلمين
والفاء:فارد جناحك وطاير يا ظلم وحقك جنين
والقافك:قف وأصمد يا فتى خد بثارك من المعتدين
والكاف:صن كرامتك تعلى هامتك تعيش عالي الجبين
والام:لا وألف لا دا احنا حرين ولاد حرين
والميم:متقولشي مالي ومال الاقصى وموت الحق والدين
والنون:نبكي ونبكي م الظلم نشكي فين الحهاد يا مؤمنين
والهاء:هواكي يابلدي عاش في قلبي سنين
والواو:وصل السلام والمحبه تايه يادنيا فين
والياء:اياكي اياكي تموتيني جنين

الوداع

قلبك المسلوب ارادته
انتهت فيه الحياه
شفت فيه احزان مشاعرك
صارخه رافضه للحياه
قلبك المسجون عشاني
شايفه بيتألم مكاني
شايفه داير جوه دايره
قلبي فيها لحد تاني
وأنتي دايره فيها ليه
بعد ماغضبتي عليه
سيبتي روحي
ليه تنوحي
وانتي بايدك الف مرة بتقتليه
قلبك العاشق بيحلم
انه يرجع
أوعي أوعي تصدقيه
لسه عايش جوة حلمك
وانتي حبك بتبيعيه
لسه فاكرة قلبي طفلك
قلبي شاب منك وضاع
والحقيقه ان جهلك
ضيعك مني الوداع
الودع ...... الوداع
الوداع

مشاعرك رقيقه

مشاعرك رقيقه بريئه و هوى
وفيها قلبي نام وحب ... ارتوى
ويبعتني النسيم لأبعد مكان
ما هو اللي دايب
وهو اللي هايب
عيون المهى
مشاعرك بتدي الامل صحبته
وتهدي اللي حب وقال غنوته
ينسج خيوطها خيوط النسيم
ويغزل خيوط الشمس ابتسام
ويبقى قمرها دليل محبته
مشاعرك مشاعري
وفيها المشاعر
وفيها اللي شاعر
بكل اللي فيه
وفيها المحبه
وود الصديق
وفيها الكلام
الحلو الرقيق
وفيها الفرج
من بعد ضيق
وفيها الكلام
اللي موش قادر اوصفه
اللي بياخدك لأبعد مكان
عند الجزيرة مفيش حد فيها
شجرها نجومها
ورودها ونعيمها
هتبقى لينا جنه
وتبقى الوطن
وفيها الغرام
اللي حب وسكن
.....................
............................. شعر / خالد صبح

زي القمر

زي القمر
زي النسمه
شايف عيونك
مبتسمه
زي القمر
نورة وضيه
مالقيتشي في العلم زيه
محلاكي يا أم عيون راسمه
راسمه أمل بكرة وبعده
راسمه الحنين اللي مواعده
يافرحته وسنين سعده
انتي النصيب وانتي القسمه
يا غلربتي وانتي مفارقه
والنظرة منك نار حارقه
تحرقني لو أقرب منها
تألمني لما أبعد عنها
وتقولي قرب وواعدها
أقول كلامي بعيوني
القى الكلام بيروح مني
أشوف غرامي في عيوني
سجني اللي ساجني
وراسم سجني على قدة
محبوس انا
ومين غيرك يطلعني
لجنه تانيه ودنيا تانيه
اعيش معاك وانته اللي تأمرني
.............................................
................................................... شعر خالد صبح

بتحب ليه

لما انته موش الهوى
بتحب ليه
تزعل وتغضب م الهوى
وتلوم عليه
وتقول دا حبيبي فات
فاتني في جروح وآهات
وتسيبني لما تشوفه
وتجري عليه
ياحبيبي ارحم قلبي
وارحم حبي
والحق عمري
ليضيع بين ايديه
حلفتك بيه وباشواقي
لتجيني تأخدني
في حضن عينيك
قرب وتعالى وهتلاقي
قلبي جنينه براحها ايديك
هتشوف عمري وعمرك فيها
وورودها غرامنا حواليها
ونسايم حايرة تيجيك تناديك
...............................ز
.......................................... شعر خالد صبح

للاسف

للاسف انا موش بحبك
للاسف بحب غيرك
قلبي مهما دار وعادلك
شايفه ساكن حلم غيرك
للاسف انا موش بحبك
للاسف بحب غيرك
............
للاسف انا موش طريدك
أو كنت من العاشقين مريدك
أنا قلبي تاه منه بريدك
وأنفلت في زمامه غيرك
للاسف أنا موش بحبك
للاسف بحب غيرك
.............
كنت حاسس وأنتي حاسه
كنت ضلك وأنتي شمسه
كنت آهك وأنتي خارسه
ليه في سكاتي
ضاع حنينك
للاسف انا موش بحبك
للاسف بحب غيرك
,,,,,,,,,,,,,,,,,
.............................شعر خالد صبح

يا عم يا بنى

يا عم يا بنى
افرش لنا الحنه
وأبنيلنا كام حيطه
لجلن ما تحمينا
قلوبنا موش ناقصه
تعشق وتتبهدل
ولا يوم تقوم باصه
لفوووووووق تقوووم تنزل
وتموت بآه خارسه
ولا حاله تتعدل
ونعيدها دي الكرة
في قلوب بتتغزل
مدهونه من برة
بزيف غرام يهبل
مخدوع ومين يقدر
على قلبه ويعزل
................
...............
يا عم رسينا
يا عم عدينا
دا المركبه شاردة
والبحر موج عالي
وقلوبنا فيه باردة
والشط ليه خايف
نقابله موش عارف
لبرنا مرسى
البر موش بري
والكلمه موش ليه
يا مركبي مري
فاض الحنين بيه
ليه بسي بتعندي
الرفض دا عندك
ولا عمرة كان عندي
والبر بيعاندك
حني بقى وأرضي
يا عم يا بنى
انيلنا في قلوبنا
كام أوضه لاحبابنا
بحري وع الميه

تأشيرة دخول

البتاع دا اللي اسمه قلبي
شفته مرة ماشي جنبي
قولتله ما تقوم يا صاحبي
شوف حكايه في قلوب البنات
..................
شوف لنا ايه المخبي
شوف لنا معنى الكلام
وحتى ايه معنى السكات
.............
بنظرة واحده تتوهم
تفرد قلوعها وتترسم
وتعيش على وهمك ساعات
....................
تشوف حليوة تنبهر
وقلوعناه تنزل تنكسر
والحب دا غير اللي فات
....................
२
شايف عيونك يا خبيثه
تحت الرموش بتبصلي
والقلب داقق الف دقه
من الخجل
قربت حبه
زادت محبه
قربت حبه
زادت خجل
خفت منها وسيبتها
ومرة تانيه شاغلتها
قالتلي خايفه
بس اقولك
خايفه خايفه
خايفه مني ايوة خايفه
ليه يا نني
م الكلام الحلو خايفه
شفتي صورتك جوه نني
ايوة شايفه
شايفه قلبك بيعمل ايه
ايوة شايفه
خايفه مني بس ليه
لسه خايفه
خايفه مني ولا منه
عمر ما كان الحب عافيه
حبي وحبك بتداريه
وتقوليلي اخيه عليه
هوه شاري اشتريه
نفسي اقولك حاجه تانيه
ايوة قول
قلبي فاتله وانتي نول
قلبك جوه قلبي جول
زي حدود وتأشيره دخول
خد يا روحي تأشيرة دخولها
وأخخدت تأشيرة دخولها
......................
........................ ३
بعيون جريئه تبصلي
أخجل انا
وكأني مولود بالخجل
خفت منها ومن عيونها
خفت من تصريح دخولها
خفت من أوهام جنونها
بعدت عنها وسيبتها
لقيتها جايه في الميعاد
قالتلي خايف
أيوة خايف
ليه يا روحي بس خايف
من عيونك
من جنونك
من رموشك
من جفونك
بصلتلي تاني
زاد الخجل
زاد الخجل
زاد الخجل
وكأني مولود بالخجل
قالتلي دوق طعم القبل
زاد الخجل
ورفضت تأشيره دخولها
.....................
................................ شعر خالد صبح

انا الذي

انا الذي عشت الحياه مضيعه
ماشي وشايل حبه مشاعر مقطعه
وفي وشي بسمه
نايمه حزينه مربعه
شايل في قلبي امل بيزيد
وفي عيوني حلم حب جديد
وانا الذي نايم مقرفص
وانا الذي داير بأحصحص
قلبي غيامه ضل شرقانه
وف عيوني الليل
وانا الذي فارد قلوعي
ومداري خوفي ما بين ضلوعي
وانا الذي موش منتشي
ولا حاسس بأني ف المحبه بارون
وانا الذي طاحن مشاعرة في هون
وانا الذي موش محتذي
وانا الذي قرفان قوي
وانا الذي ضميرة مات
وانا الذي حلمه نام من غير عشا
وانا الذي قلبه أختشى
وانا الذي مسجون في نفسه
وانا الذي حيطانه يأسه
وانا الذي انا بسي ايه


انا الذي اصبح مفيش
انا الذي اصبح مفيش
..............................
............................................. شعر خالد صبح

متحلمشي

من قلب وعشق وشوق مجنون
لكلام في الفاضي مالهوشي لزوم
نسهر في الليل والليل ساكن
نعصر في قلوبنا ونتمنى
أنه في لحظه شوق مجنون
نسرح جوه عينيه ونعوم
ونلم كلام الكون غنيوة
على قد عيونه وعلى قدي
ونغني بكل لغات الكون
ونسمع للكون احلامنا
ما هي ماعدتش خلاص احلام
ونلم العشاق قدامنا
نحكيلهم عن شوقنا كلام
اسطورة حب وعايشينها

والحاسس بالحب عبيط
والعايش في الحب عبيط
ازاي هنعيش في الحب قولولي
واحنا في عصر القرش
وعصر الكرش
النفوخ بالتخمه
التخمه اياها
بتاعه بيع الحب
والحب ازاي هنعيشه
وهو يا عيني مقصوص ريشه
من أمثال الناس البلدة
في أحساسهم
من أمثال الناس العايشه
بتمله في كروشهم
وانته يا عيني ما تملكشي
غير قلبك ومشاعرك
طز ومليون طز
صادق حبك طز
أصدق حب ياناس بنشوفه
عايش خوفه
والناس البلدة في احساسهم
هما سيوفه
وسهامهم في القلب
المجروح وبينزف هما ضيوفه
والقلب المتكبل في قيودة
عايش مهزوم في حدودة
موش من حقك تحلم يا بليد
يا بليد في القرش
طول ما انته ياصاحبي
من غير كرش
موش من حقك
خليك مهزوم احسنلك
خليك متقيد في حدودك وما تحلمشي
.................................................
...................................................... شعر خالد صبح

انتي الربيع

انتي الربيع
والنسمه لما تهل
والابتسام والامل
والراحه ساعه ضل
وانتي الفرح
والمرح
لما الحياه بتمل
وانتي انا
لحظه غنا
وانتي الهنا
لما الهنى بيقل
وانتي النهار والدفا
والقعده ساعه صفا
والشمس لما تطل
وانتي القمر والسهر
وانتي المطر للأرض
وانتي العمار والشجر
وانتي اللقا في البعد
وانتي الحنان والذل
.....................
انتي الغرام والهوى
والعشق للمهاويس
وانتي اللي قلبك دوا
يا جنه المتاعيس
قلبي وقلبك سوا
أجمل ما في المحابيس
والعشق مالي الفضا
طول ما روحك فيه
............................
وانتي الجراح والدوا
وانتي العطش والروى
وانتي اللي كلك كلي
ساكن ملامحي وضلي
همسك بعيد بيوصلي
بيقولي غرامك فيه
باكتبها من مهد طفولتي
انتي الحياه والحياه انتي
...................
............................................ شعر خالد صبح

قربيني

قومي قومي ورجعيني
قربي في حضنك خديني
حاوطي ع الحب اللي بينا
تبتسم تفرح سنيني
بسمه بعد فراقنا تكفي
كلمه بعد عذابنا تشفي
نظرة فيها شوقنا تعفي
قلبي شاري اشتريني
.......................
قلبي منك وانتي فيه
حاوطي بالاشواق عليه
واكتبي بدمك ودمي
يوم ميلادنا نبض فيه
واشهدي يا طيور وغني
عمري فيكي وانتي مني
مهما تبعد هتلاقيني
قربها قربي لعيني
.............
قومي قولي لليالي
تنشغل زي انشغالي
كنت زي النور قبالي
بس ابعد من خيالي
كنت حاسس وانتي جنبي
انك انتي روحي قلبك
أوعي بالاحساس تخبي
قربي لقلبي تعالي قربيني
ارسميني جوه ننك
تلقي قلبي الطفل منك
مهما بعدت روحي عنك
طيف نسيمك بيناديلي
وانتي لما الشوق يداعبك
أهمسي لقلبي في قلبك
تلقي قلبي قوام يجاوبك
لو بعيد عني يجيكي قربيني
.................................
اوعي اوعي في يوم تأني
لسه بكرة جاي أخضر
لو بعدنا الشوق هيكبر
لو قربنا هيكبر اكتر
يبقى أفضل قربيني
,,,,,,,,,,,,,,,,,,,,,,,,,,,,
........................................... خالد صبح

بسي انته تعالى وقرب

يا وابور عمري اللي بيجري
خليك على مهلك هدي
الشوق جوانا بيهري
وانا نفسي اقبل وعدي
..................
دا الحب يا عيني بياكل
في القلب ويصعب هرشه
عاملي في قلبي مشاكل
سارقني وسارق فرشه
وانا فارش قلبي أغاني
وجناين ورد وخضرة
أسي ودبل بستاني
ورماني من غير أجرة
وانا اجرة قلبي محبه
وانا ميه وردي مودة
وانا عشقه ان قرب حبه
هأعمله قلبي مخدة
ومخدة قلبي يا عيني
تحت الشباك البحري
جرب مرة وناديني
هأفتحلك انا ع البحري
وهأقولك بكرة لاقيني
فاتح قلبي ودراعيني
وفرشلك رمشي وعيني
فل وياسمين وأغاني
بس انته تعالى وقرب
هتلاقي الحب يقرب
ولا شمس علينا تغرب
ولا حلم ان كان في هوانا
يدبل ويخاصم خله
وبقايا الشوق جوانا
هتغطي العالم كله
بسي انته تعالى وقرب

رمز تاني للصمود

وبصوت حزين مبحوح
شايف صراخ وصروح
دايبه بتتفتت
والروح منين ما تروح
عفن وخلق جروح
فيها الامل نتن
يا بكرة يا أمبارح
مستني ايه قوللي
مستني ليل طارح
زهرة بريق المر
والمر من حلقي
يسقي البشر ويشر
يسيل يسيل
حتى ان ما قابله ريح
تلقى السنين
متسرسبه
تلقى العنين متصلبه
تلقى القلوب متحجبه
بحجاب يعل
................
...................
ارمي الحروف الخايفه
من مر العرق
ارمي الحروف الخايفه
من موت الغرق
ارمي الايدين المتقيده
في الضل
لمي الايدين الخايفه
من حزن الالم والذل
لمي اللي باقي وألضميني
في توب شجاعه
او توب محصن م الخضوع
مفيهوش رجوع
لميني جايز اقدر أكون
في توب جنون
أو رمز تاني للصمود
أو حلم تايه ع الحدود
يمكن اعود
يمكن أعود
يمكن أعود
في الضل

ما كفايه شجبي

وطن مبحلق
ووطن بيحرق
ووطن مطرشأ
على الاخر
وطن يصير
ساعه المصير
وف ايده جدله
زلطه ونبله
سميعه هابله
وصاروخ مقابل
..............
.............
اضرب قنابل
احنا القنابل
وفي المقابل
نلقى القنابل
بني ادميين
بنات بنين
عرسان عرايس
والكل هايص
والكل ناسي
كل المآسي
يا بلدنا آسي
دا ضميرنا مايص
عمال بيشجب
عمال يدين
وأصرخ وعلي
ساعه تجلي
وارسم وقوللي
أتهدي هدي
احنا التحدي
وان مدو مدي
وان دخلو فيكي
شجبي شاريكي
دا انا اللي باشجب
باشجب في صوتي
لحسن تموتي
وان موتي موتي
ما كفايه شجبي
عمال بيشجب
عمال يدين

هأووو عليكي شهادة

بتخاف من ايه ما تخافشي
أحلامك متسرقتشي
احلامك لسه في قلبك
سنيورة بتطلب ودك
اعشقها ومتكشرشي
وان طارت بيك في الجو
هأو يابعبع عو
,,,,,,,,,,,,,,,,
يا شبابنا ياضايع لسه
واخدين من الدنيا ملاطش
من الذل وشرب الخسه
والفلس اللي بيتوصى
على جيبي وجيبك باطش
والدنيا عارجه وعوجه
تتشطر بس علينا
وتسيب الجاهل فينا
يلعن ابو خاش اهالينا
يركب ويدلدل رجله
بالعافيه موش بالذوق
والعاطل هو العالم
والعالم كله مظالم
ووصولي بيطلع فوق
تعليمك موش هيفيد
ولا جامعه كمان ولا غيرة
والجاهل شغله اكيد
والعاطل بيمشي في ديله
والسارق بقى مسروق
,,,,,,,,,,,,,,,,,,,,,
نتعلم ليه يا بلدنا
والجاهل فيكي السيد
وياجامعه يا عز ولادنا
شهادتنا ايه بتتقيد
وبنمشي وهو يسوق
هأو يابعبع عو

آه يافلسطين

ومنين نجيب ناس يحسوا الكرامه ياهوه
وطن حزين مبتلي ولا حد حاسس بيه
غصنين سلام وحمام بينهم خداع شربوه
سلام محمل بالقنابل والتشرد فيه
::::::::::::::::::::::::
شرم برم لم حجارة
تصبح قنابل جبارة
شاربين من الدم سكارة
ودمهم ... مابيرويشي
،،،،،،،،،،،،،،،،،،،
يا دم سايط بلامعنى
الاقصى حالف يجمعنا
لو حتى مليون هيسعنى
كتر السلاح ما بيحميشي
،،،،،،،،،،،،،،،،،
احنا الايمان احنا القوة
وايمانا طالع من جوة
مهما نموت طالع غيرنا
وغيرنا ناوي مايبكيشي
,,,,,,,,,,,,,,,,,,,
عمك محمد وشمندي
حالفين مايجي الليل عندي
طول مانته فيها يا يهوندي
ليخلو عيشتك مناويش
,,,,,,,,,,,,,,,,,,
يا قدس اقصى يا ديارنا
ليموت حزين اللي غدرنا
واللي غدرنا يورينا
ازاي هيسكن هنا دارنا
وهيه ساكنه في نخاشيشي
,,,,,,,,,,,,,,,,,,,,,,,,
اقتلني على ارضي هأزرع
ودمي بدل النار يولع
اما ايمانكو اللي مخلع
هأقدر اخليه فشافيشي
,,,,,,,,,,,,,,,,,,,,,
لما انته قادر وريني
ازاي هتقدر على ديني
ابني يموت قدام عيني
وروحه قاعده ماتمشيشي
,,,,,,,,,,,,,,,,,
ابني الشهيد لسه ما ماتشي
واجه رصاصكو ومخافشي
لكن الحجارة اللي في ايده
ناويه وجودكوا ما يعيشي
اطفالنا نازله بخرابيش
,,,,,,,,,,,,,,,,

ترانيم على صدف البحر

صوت مدفون
جوة عيون
فيها النن التايه
يحلم انه يكون
أمواج وبحار
ومحار مدفون
بيكتب اسرار
على صدف البحر
جنون
البحر غويط
والحلم عبيط
بيحلم انه في لحظه يفوز
ترانيم أراجوز
يتنطط يعمل حاوي عبيط
من غير تقاسيم
ولا رقصه و موزة وهزة كمان
وموسيقى الغجر الاراجوزي جنان
والحلم العايم في الترانيم
بيكتب اشعار
انته الشاعر ولا شعور
ولا السارق ضي النور
ولا الرافض انك تبقى
جوة في حلم الحلم الزور
أوعى تكون
زي الزيف السيف
القاتل حلمي الطفل
أو زي الصدفه النايمه
في تحت البحر الكهل
أو زي الرمش الرافض كحل
أو زي الرافض أنه يكون
صوت مدفون
جوة عيون
فيها النن
التايه
يحلم انه يكون
ترانيم