ملعونه مطالبي

آه يا حلمي يا شايل فوق طاقته
مجنون متسجل ف بطاقته
اسم المجنون سفاح
القتل مباح والهدم مباح
والريح العاتي المتهور
ف القلب المدعوك بسواد
او حجرة وحمره
وطاحونه ودايره
ع العالم ثايره
موش عارف ليه
تقدر تسألي !!!
ايه خلى الصمت سلاح
والقتل مباح
ف ايدين سفاح
أطفال تتشرد تتيتم
وبيوت تتهدم
صواريخ مضروبه
بتقابل طوبه
والطوبه يا عيني
مغصوبه
مغصوبه تتطاطي
للريح العاتي
والزمن الآتي
موش زمن الفرقه
لأ زمن الحرقه
والحرقه ف قلبي
ملعونه مطالبي
ومطالبي بسيطه
شجره وضليله
وزتونه وشجره